കൊച്ചി: വാഹനാപകടത്തില്പ്പെട്ട യുവാവിന് മസ്തിഷ്ക മരണം സംഭവിച്ചെന്ന റിപ്പോര്ട്ട് നല്കി അവയവങ്ങള് ദാനം ചെയ്തെന്ന കേസില് വിശദീകരണവുമായി കൊച്ചി ലേക് ഷോര് ആശുപത്രി.
അപകടത്തില് പരിക്കേറ്റെത്തിച്ച ഉടുമ്പന് ചോല സ്വദേശി എബിന് കൃത്യമായ ചികിത്സ നല്കിയെന്നും ചട്ടങ്ങള് പാലിച്ചാണ് അവയവദാനം നടത്തിയതെന്നും മെഡിക്കല് സര്വീസസ് ഡയറക്ടര് ഡോ. എച്ച് രമേഷ് വ്യക്തമാക്കി. ഇക്കാര്യം കോടതിയെ ബോധ്യപ്പെടുത്തും.
എബിന്റെ മരണത്തില് ദൂരൂഹത ആരോപിച്ച് കൊല്ലം സ്വദേശിയായ ഡോ. ഗണപതി നല്കിയ പരാതിയില് കഴമ്പുണ്ടെന്നു കണ്ടാണ് എറണാകുളം ഫസ്റ്റ് ക്ലാസ് ജുഡീഷ്യല് കോടതി കേസെടുത്തത്.
എബിന് ചികിത്സ നല്കിയതിലും എബിന്റെ അവയവദാനം നടത്തിയതിലും അപാകതയുണ്ടായെന്നു കോടതി കണ്ടെത്തിതിനെതുടര്ന്നാണ് കൊച്ചി ലേക് ഷോര് ആശുപത്രിക്കും എട്ട് ഡോക്ടര്മാര്ക്കുമെതിരെ കേസെടുത്തത്.
2009 നവംബര് 29 നാണ് എബിനെ ബൈക്ക് അപകടത്തില്പ്പെട്ട് ഗുരുതരാവസ്ഥയില് കോതമംഗലം മാര് ബസേലിയോസ് ആശുപത്രിയില് പ്രവേശിപ്പിച്ചത്. പിറ്റേ ദിവസം വിദഗ്ധ ചികിത്സയ്ക്കായി ലേക്ഷോര് ആശുപത്രിയിലേക്ക് മാറ്റി. തൊട്ടടുത്ത ദിവസം തന്നെ മസ്തിഷ്ക മരണം സംഭവിച്ചെന്ന് വ്യക്തമാക്കി ഡോക്ടര്മാര് അവയവദാനം നടത്തുകയായിരുന്നു. സംഭവത്തില് ദൂരൂഹത ആരോപിച്ചാണു കൊല്ലം സ്വദേശിയായ ഡോ. ഗണപതി എറണാകുളം ഫസ്റ്റ് ക്ലാസ് മജിസ്ട്രേറ്റ് കോടതിയെ സമീപിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
